Vil halda fram med snøpark

Fonna Sommerpark AS har bede om ein førehandskonferanse med Ullensvang kommune for å drøfta mogelegheitene for å halda fram med å byggja ein snøpark for born og unge på breen ovanfor velkomstsenteret ved Folgefonna.

Planen er å byggja ein park med mellom anna hopp, stålrekkverk og plastrøyr, og setja opp eit mobilt tautrekk som vert teke ned etter kvar sesong. Trakkemaskin og snøskuter skal nyttast til prepareringa. 

Sesongen er i mai–juli. Vona er at tiltaket skal føra til auka aktivitet og turisme i jondalsområdet.

Bak Fonna Sommerpark AS står Siver Voll i Lyngør, som er både eigar og dagleg leiar.