Brann i Norheimsund
Publisert
Sist oppdatert
Brannvesenet rykte torsdag kveld ut til ein brann i Norheimsund. Politiet fekk melding om hendinga klokka 19.30, melder Vest politidistrikt i Politiloggen.
– Me har fått melding om at det skal brenna i det som kan vera ei arbeidsbrakke ved Spar, seier vaktleiar ved 110-sentralen, Stian Kvam.
Annonse
Ein tilsett i GBS Entreprenør AS var på området. Han skulle ta i mot noko og såg at det var fyr i brakka.
Innsatsleiar i Kvam brann og redning, Svein Valland Laupsa, fortel at brannvesenet rykte ut og starta å sløkkja. Etter eit kvarter var brannen under kontroll.
– Det var mykje og forholdsvis farleg røyk å pusta inn, og det var veldig mykje folk her. Så me var uroa for det, seier Laupsa.
Brannvesenet bad folk om å trekkja vekk.
Annonse
Effekten av arbeidet var god, og det var ikkje fare for at brannen skulle spreia seg, seier Kvam.
Ifylgje Laupsa er brannvesenet i gang med å kjøla ned brakka for å hindra at brannen blussar opp igjen.
