Gjekk renn og litt til
12 kuldegrader og strålande sol var bakteppet då skigruppa i Strandebarm Idrettslag arrangerte nyttårsrenn på Åse på Omastrand laurdag.
Kulden dei siste vekene hadde gjort løypene harde, så løypetraseen vart lagd om og flytta til nedom fjøset på Åse. Det vart ei flott rundløype på om lag 400 meter der ungane fekk utfalda seg, opplyser Torunn Lutro, leiar i skigruppa.
Dei yngste borna gjekk 1 runde, 1.–3.-klasse gjekk 2 rundar og dei eldste gjekk 3. Totalt 19 born deltok og fekk med seg ein velfortent medalje heim, skriv Lutro i eit presseskriv. To bålpanner varma lunsj til deltakarane, og fleire vart verande etter rennet for å gå meir. Då dagen var omme, hadde fleire av borna passert 15 rundar i løypa.
Artikkelen held fram under annonsen.
