Bak, frå venstre: Denis Ljubovic, Sindre Handeland, Øyvind Berge, Hans Berge jr., Kasper W. Botnen, Sebastian Skåre Tune og Øystein Lammedal. Framme, frå venstre: Lars Lundblad Vestbøstad, Johannes R. Flacké, Raymond Aksnes, Tom Olav Olsen, Eivind Skodvin og Eivind Madsen Skeie.
Asbjørn Lothe
Futsallag vann 1. divisjon
Lagleiar og spelande trenar Eivind Madsen Skeie fortel at kvammalaget hadde alt i eigne hender før helga. Dei andre topplaga skulle møta kvarandre og Norheimsund skulle spela mot lag som kvammalaget stort sett skal slå, fortel Skeie.
I fyrste kamp møtte Norheimsund eit av dei andre topplaga, Bergensdalen 1. Bergensdalen 1 har fleire spelarar som har vore på vinnarlaget i julecupen i Norheimsund dei to siste åra, opplyser Skeie.
Norheimsund tapa kampen 0–2. Ifylgje Skeie var kampen jamn, men personlege feil gjorde at Bergensdalen 1 trekte det lengste strået. Det medførte at Norheimsund måtte vinna dei to siste kampane for å vinna serien. I neste kamp, mot Valestrand Hjellvik, vann Norheimsund 5–0. Lars Lundblad Vestbøstad debuterte og skåra 1 mål.