Andersson tok bronse i EM

Jan Roger Andersson overraska truleg mange i europameisterskapen i bordtennis onsdag.

Sterk prestasjon

- Overraskande og knallsterk, slår Hardanger bordtennisklubb fast om bronsebragden til eigen elev i EM for døve i Bulgaria i går.Andersson er nemleg senior på fyrste året, og kjempa mot 41 andre i singelklassen for herrar. Der var han på førehand rangert som nummer 26, etter at han var topprangert i juniorklassen i Europa i fjor.I semifinalen tapa Andersson for tyske Thomas Keinath, som på sitt beste var rangert som nummer 51 i verda blant dei funksjonsfriske. Han spelar i Bundesliga og har teke bronse i dobbelklassen i EM for funksjonsfriske. Tyskaren vann 4-0 i semifinalen.

- Tek opp arven

Andersson - med kjælenamnet Janne - vann alle dei tre fyrste kampane i puljespelet, mellom anna mot ein russar som var rangert som nummer 3 i klassen. Det førte til at han overtok «semiseedinga» til russaren, noko som gav han «walkover» i fyrste runde i sluttspelet. Deretter vann Hardanger-spelaren åttedelsfinalen og kvartfinalen med høvesvis 4-0 og 4-2.Allereie som 15-åring tok han bronse i 18-årsklassen i EM.Prestasjonane gler klubben hans:- Dermed har me ein spelar som kan vera med og ta opp arven etter Tommy Urhaug når det gjeld å skaffa Noreg internasjonale topplasseringar!