Arne Kristian Teigland måtte avslutta rekordforsøket i Antarktis.
Privat
«AK» måtte avbryta sørpolferda
Arne-Kristian Teigland frå Øystese har slite tungt i fleire dagar som fylgje av dårleg sikt og utfordrande terreng, ifylgje lydmeldingane han har sendt via heimesida til ekspedisjonen. På dag 17 gjekk han den tyngste skituren så langt i livet fortalde han.
Likevel har han makta å halda på leiinga han har hatt til Vincent Colliard, sjølv om ho har minka dag for dag som fylgje av dei vanskelege tilhøva.
Målet var nemleg å slå Colliard og setja ny verdsrekord frå Hercules Inlet til polpunktet. Colliard bruka vel 22 dagar på turen.