Ingen jondøling på topp

Førre gong var det Lajla-Margrethe Lindskog-Lund frå Jondal. No er Geir Utne (56) frå Lofthus innstilt som toppkandidat for Ullensvang Sp i kommunevalet i 2027. Det opplyser nominasjonsnemnda i ei pressemelding.

Utne vart vald inn i kommunestyret i 2023. Han arbeider i Indre Hordaland Kraftnett AS i Kinsarvik og er medeigar i fleire selskap. Han har engasjert seg i dugnadsprosjekt som bygginga av Fjordahallen og gjennomføringa av Morellfestivalen.

– Eg vil arbeida for ein samla kommune på tvers av parti og geografi, der innbyggjarar, næringslivet og infrastruktur står i sentrum, uttalar Utne.

Nominasjonsnemnda skal arbeida vidare med resten av vallista, som nominasjonsmøtet skal vedta etter nyttår.