Ullensvang opphevar reiseforbodet

... og den første koronapasienten er innlagd på Odda sjukehus.

Frå og med fredag vert det generelle inn- og utreiseforbodet i Ullensvang kommnune avvikla, opplyser ordførar Roald Aga Haug (Ap) i ei pressemelding.Kommunen minner likevel om dei generelle råda om å avgrensa reiseverksemd og kontakt med andre.No er den første pasienten med koronasmitte lagd inn på Odda sjukehus, opplyser Helse Fonna på heimesida si.Pasienten er ikkje busett i Ullensvang. Kommunen testa 16 personar torsdag. Til no har totalt 61 vorte testa. Laboratoriekapasiteten er pressa nasjonalt, og det tek tid å få svar på testar, skriv Haug.Så langt er det ikkje påvist smitte blant innbyggarane i kommunen.– Me må likevel rekna med at det er smitte i vår kommune, eller at det vil komma smitte innan kort tid, skriv Haug.