Namnet på omkomen er frigjeve
Namnet på den omkomne i trafikkulukka i Kvam i går er offentleggjort.
Det var Mikal Aarekol (37) frå Kvam, busett i Vangdal, som omkom i ulukka då bilen hans vart treft av ein traktortilhengjar klokka 19.38 tysdag kveld. Det opplyser politiet i ei pressemelding.
Den omkomne etterlèt seg kone og tre born.
Politiet og vegvesenet arbeider med å etterforska kva som var årsaka til ulukka.
Ifølgje bt.no har den mannlege traktorføraren frå Kvam status som sikta i saka. Avisa siterer lensmann Terje Sperrevik i Kvam og Samnanger lensmannsdistrikt på at mannen er sikta for aktlaus køyring. Han vart avhøyrd i dag.