16-åring til sjukehus etter kollisjon

Ein bil og ein moped kolliderte ved Børsheim i Strandebarm torsdag kveld, opplyser operasjonssentralen i Vest politidistrikt.
22.42 melde 110 Hordaland på Twitter at politi, brannvesen og ambulanse var på staden.
Ifølge Bergens tidende vart den 16 år gamle føraren av mopeden frakta til sjukehuset med ambulanse. Han hadde kuttskadar, men var medviten. Bilføraren var uskadd.
Køyretøya køyrde i same retning. HF har vore i kontakt med føraren av bilen, som fortel at kollisjonen hende då bilen skulle svinga av vegen. Mopeden køyrde i bilen bakfrå. Sjåføren skal ha fått melding fredag om at det går bra med guten.