Mikroflygar: Håkon Fosso er ein av dei mest aktive pilotane i Hardanger mikroflyklubb. Han har eiga flystripe i hagen ved huset i Vikøy og kjem nok til å halda fram med å flyga sjølv om flystripa i Steinsdalen vert ubrukeleg. – Men flystripa mi er kort og ujamn, og kan berre brukast av spesielt interesserte. Det fine med flystripa i Steinsdalen er at den kan brukast både av erfarne og uerfarne pilotar, seier han.
