Vil fjerna barne- og ungdomsarbeidarklasse
Fire elevar vil gå barne- og ungdomsarbeidarfag på VG2 i Kvam til hausten. Fylkesdirektøren vil fjerna tilbodet.
Han viser til at det er fire ledige plassar i ein halv klasse med plass til åtte. Samstundes er det teke inn ni søkarar til ein halv klasse i helsefagarbeidar-faget.
Fylkesdirektøren føreslår å ta bort den halve klassen i barne- og ungdomsarbeid og heller oppretta ein heil klasse i helsefagarbeid.
Artikkelen held fram under annonsen.
Samstundes vil han oppretta ein ny klasse i studiespesialisering på tredje trinn. Opphavleg låg det inne éin klasse.
Hovudutval for opplæring og kompetanse skal avgjera saka tysdag 27. april.
