– Utbrotet er slege ned

Berre eitt nytt smittetilfelle er påvist i Ullensvang sidan 3. september.

Det får kommunen til å slå fast at utbrotet er slege ned. Det eine tilfellet vart meldt fredag. Dette galdt importsmitte og ein person som allereie var i karantene. Berre denne personen er no isolert i kommunen.

– Me er glade for å varsla om at den lokale forskrifta har verka godt, og vil takka innbyggjarane for å ha samarbeidd godt med å slå ned utbrotet, skriv ordførar Roald Aga Haug i ei pressemelding sundag kveld.