Køyrde i fjellveggen

Ein bil køyrde i fjellveggen ved fylkesveg 49, slik at kollisjonsputene vart utløyste. Dei involverte personane var ved medvit, melde Vest politidistrikt i Politiloggen klokka 16.51.

Politiet var då på veg til staden. Trafikken vart dirigert forbi i eitt felt etter hendinga.

Det var to personar i bilen. Den eine hadde smerter etter hendinga, ifylgje politiet.

Klokka 18.32 melde politiet at bilbergaren hadde fjerna bilen og at vegen var open for fri ferdsle.