– Bil treft av is i Tokagjelet
Fylkesveg 49 vart stengd i Tokagjelet etter at ein bil vart råka av is onsdag ettermiddag.
Vaktkommandør Helge Lund ved 110-sentralen fortel til HF at føraren, som var åleine i bilen, lukkast med å køyra bilen inn i Snauhaugtunnelen og varsla om ulukka kring klokka 14. Hen skal ikkje vera alvorleg skadd, men vil få helsetilsyn, fortel Lund.
Naudetatane rykte ut til staden. Vegen vart stengd etter ulukka, men er opna att, melde Vegtrafikksentralen vest klokka 14.25.
