Tyske elevar vitja Hardanger
Førre veke studerte åtte elevar frå Clemens-Brentano-Europaschule berekraft i norsk lakseoppdrett.
Publisert
Det melder Odda vidaregåande skule i ei pressemelding.
Kor berekraftig er norsk lakseoppdrett i ei tid prega av klimaendringar og miljøøydeleggingar?
Det skulle elevane frå Lollar finna ut under opphaldet frå 20. til 29. august. Prosjektet er eit såkalla Erasmus+-samarbeid mellom dei to skulane.
Etter to dagar i Bergen reiste elevane til Odda. Der studerte elevane mellom anna dyrehald og -velferd, samansetnaden og opphavet til fiskefôr og korleis miljøet vert påverka, heiter det i pressemeldinga.
Det er dårleg med havbruk i Sørfjorden. Ein av dagane vitja elevane visingsanlegget ved Steinstø. Elevane såg fiskane få mat og vurderte tilstanden deira. Turen vart avslutta med at elevane presenterte funna for norske elevar og tilsette.
