To nye er smitta i Kvam

Dei to smitta er nærkontaktar av einannan.

Det opplyser Kvam herad tysdag ettermiddag. Symptom var bakgrunnen for at dei vart testa. Smittesporinga har avdekt åtte nærkontaktar.

Den eine smitta har fått den eine vaksinedosen, medan den andre ikkje er vaksinert.

– Kvam herad minner om at til trass for god framdrift i vaksinasjonsarbeidet, er pandemien pågåande, og det er viktig å halda god avstand og ha god handhygiene med handvask og handsprit, skriv heradet i pressemeldinga.