To nye er smitta i Ullensvang
Smitten kjem frå Haugalandet. Folk vert sterkt oppmoda om å fylgja råd og reglar.
Kommunen har i ettermiddag fått varsel om to nye covid-19-smitta. Dei to tilfella heng saman, men smittevegen var fyrst ukjend. I kveld vart det klart at vegen er funnen og at smitten stammar frå Haugalandet, som har hatt mange smittetilfelle i det siste.
Det er uvisst om viruset er mutert, men det er statistisk sannsynleg, melder ordførar Roald Aga Haug i ei pressemelding fredag.
Artikkelen held fram under annonsen.
Dei smitta er unge, men ikkje i grunnskule- eller barnehagealder. Båe bur i Ullensvang, opplyser kommunen.
– Dei to er sette i isolasjon, og smittesporing og karantenesetjing av nærkontaktar pågår utover kvelden, opplyser Haug.
Alle vert sterkt oppmoda om å retta seg etter smittevernråd og -reglar.
