To nye er smitta
Ullensvang har fått to nye og Kvam ingen nye smittetilfelle fredag.
I alt 38 er dermed smitta i Ullensvang-utbrotet. 18 er rekna som smitta og er isolerte i dag, melder kommunen fredag ettermiddag.
I Kvam er ingen nye tilfelle påviste fredag, opplyser Kvam herad. Måndag, tysdag og onsdag vert i utgangspunktet alle skular og barnehagar opne, på raudt smittevernnivå. Enkelte barnehageavdelinga kan verta stengde på grunn av bemanningssituasjonen og smittevernkrava. Foreldra vil verta informerte om dette, opplyser heradet.
Artikkelen held fram under annonsen.
I Ullensvang er det teke mange koronatestar dei siste dagane. Det finst no ikkje kjende «aktive» smittevegar inn i skule og barnehage dei siste dagane. Framleis har ein smitta utan kjend smitteveg. Også fullvaksinerte har vorte smitta.
– Me kan ha villsmitte som det er vanskeleg å spora, opplyser kommunen.
Måndag drøftar kommunestyret lenging av smitteverntiltaka. Framlegget er å lengja dei til måndag 10. april, og å halda på raudt smittevernnivå i barnehagar, skulefritidsordningar og grunnskulen. Delar av undervisinga kan gjevast på nett for å overhalda smittevernkrava, ifylgje framlegget.
