Tilrår skjenkjeløyve på Fonna
Om dei folkevalde er samde, får Visitfonna AS skjenkja alkohol i gruppe 1, 2 og 3 i det nye velkomstsenteret ved skisenteret på Folgefonna.
– Rådmannen ynskjer å stimulera til næringsverksemd og ser positivt på utviding av tilbodet til glede for innbyggjarar og tilreisande, heiter det i saksutgreiinga.
Artikkelen held fram under annonsen.
Løyvet gjeld i restauranten, på mesaninen, i konferanseromma og på terrassen. Michael Iversen vert skjenkjestyrar.
Formannskapet avgjer saka, som ei av fleire skjenkje- og salssaker, 16. april. Løyvet gjeld frå same dag.
