Strandebarm til finale etter sekundstrid
Torstein Måge, Sander Eide Aase og Tove Haslum held fram med å gjera ære på Strandebarm skule og Kvam.
Tiandeklassingane ved Strandebarm skule er klare for finalen i NRK-tevlinga Klassequizen.Torstein Måge, Sander Eide Aase og Tove Haslum hadde marginane på si side då Bardufoss skule bruka tre sekund for mykje på den siste oppgåva i den tredje av fire semifinalar. Tranby skule vann suverent i semifinalen.Kvemmingane vart dermed nummer to i semifinalen, og det er godt nok til å få kjempa om sigeren om to veker. Finalen er allereie spela inn, men vert kringkasta av NRK fyrst 18. mai.- Dette er litt kjekt, faktisk, sa Sander Eide Aase etter avgjerda.543 skular melde seg på til tevlinga i år. Strandebarm skule vart tidlegare i år fylkesvinnar i Hordaland, og gjekk saman med Hop oppveksttun vidare frå fylket til den nasjonale finalen. Selda Ekiz er programleiar for semifinale- og finaleprogramma.
