Organisasjonen Noklus undersøkjer no ei rekke ulike koronatestar.Foto: Ole Berg-Rusten / NTB scanpix

Stor kvalitetsforskjell på koronatestar

Kvalitetsstudien til Organisasjonen Noklus av elleve ulike koronatestar har avdekt store kvalitetsforskjellar.

– Vi har sett at nokon testar gir utslag, og andre ikkje gir utslag i det heile. Det betyr at det er stor forskjell i kvaliteten på testane. Nokon er gode og nokon er dårlege, seier professor Sverre Sandberg ved Universitetet i Bergen til nettstaden Shifter.no.

Han leier Noklus, som gjer kvalitetsstudien for Folkehelseinstituttet.

Sandberg reknar med å ha ferdig ein rapport med tilrådingar innan utgangen av april.

(©NPK)