Den norske kyrkja mister medlemmer jamt kvart einaste år, ifølgje SSB. Illustrasjonsfoto: Heiko Junge / NTB / NPK

Stadig færre medlemmer i kyrkja

Medlemsnedgangen fortset for Den norske kyrkja. Frå 2019 til 2020 fall talet på medlemmer med over 31.000.

Den norske kyrkja hadde i fjor 3.655.556 medlemmer, noko som er 31.159 færre enn året før, ifølgje Statistisk sentralbyrå (SSB).

Medan det var 2.343 personar som melde seg inn i i fjor, var det 12.653 som melde seg ut av kyrkja.

Artikkelen held fram under annonsen.

Koronapandemien la ein dempar på arrangement og seremoniar i fjor. SSB har tidlegare meldt at det ikkje sidan 1927 har vore så få bryllaup i Noreg som i fjor. Det vart gjennomført 4.394 kyrkjelege vigslar i fjor, 1.820 færre enn året før.

Samtidig var òg talet på kyrkjelege gravferder lågare enn på årevis, med totalt 34.605 i løpet av 2020. 33.083 personar vart konfirmerte, medan 23.822 personar vart døypte i fjor.

(©NPK)