Solberg meiner det er ei stor ulukke å ikkje bygge Hordfast

Fylkesutvalet i Vestland ønskjer å nedprioritere bygginga av vegsambandet Hordfast. Statsminister Erna Solberg meiner det vil vere ei stor ulukke å ikkje bygge vegsambandet.

– Eg respekterer at ein er nøydde å ha desse diskusjonane lokalt, men for Bergen er det at Sunnhordland og Rogaland på ein måte blir haldne lenger vekke i saker som gjeld utvikling av heile regionen, ei utfordring ein må ta på alvor. Eg meiner det ville vere ei stor ulukke for Bergen om vi ikkje byggjer Hordfast. Det er store avstandar, og vi treng eit sterkt Vestland, seier Solberg til Bergens Tidende (BT).

– Regionen frå og med Rogaland til litt nord for Bergen er ein av dei største verdiskaparane vi har. Derfor må vi bygge saman arbeidsmarknadar, og dette er ei av dei mest samfunnsøkonomisk lønsame utbyggingane, seier Solberg.

(©NPK)