Snøskredfare i Hardanger

Varsom.no melder om stor snøskredfare – kategori 4 – i Hardanger laurdag. Mildvêr og regn høgt til fjells gjev fare for naturleg utløyste våte flakskred. 

– Unngå bratt terreng! lyder oppmodinga.

I høgfjellet vil fersk fokksnø vera skredproblemet. 

For vernebuing vert det opplyst at snøskreda kan verta store og nå ned til skredutsette vegar og hus. 

For friluftsliv lyder oppmodinga: 

– Hald deg unna terreng brattare enn 30 grader og utløpssoner for skred!

Varsom.no er levert av NVE i samarbeid med Statens vegvesen og Meteorologisk institutt.