Snart klart for bustader i Svåsandhagen
Gyrid Sollesnes og sonen Vegard (3) fekk æra av å ta det første taket med gravemaskin i det nye byggjefeltet.
I august skal 12 kommunale tomter vera byggjeklare i feltet. Folgefonn entreprenør AS har fått oppdraget med å laga til tomtene.
Gyrid Sollesnes og May Randi Haugen Selsvik i Sollesnes og Svåsand grendelag seier at byggjefeltet er noko laget har arbeidd for lenge.
– Det vil vera kjekt viss fleire ønskjer å flytta til bygda no, seier Sollesnes.
Kommunen kjøpte grunnen på 1990-talet, men har av ulike årsaker ikkje komme i gang med arbeidet før no.
No gler kommunen seg over å kunna tilby solrike tomter til dei som ønskjer å flytta tilbake til Solesnes og Svåsand.
– Dei som ønskjer å flytta tilbake til Jondal kommune, ønskjer ofte å bu i bygda dei kjem frå. Me er glade for at me kan tilby tomter her, seier landsbylos Sigrid Brattabø Handegard.
Til saman er det 33 tomter i feltet, men dei resterande tomtene er private.
Les meir om saka i HF tysdag.
