Snart klart for barnemat

I Ålvik, Tørvikbygd og to avdelingar i Norheimsund barnehage vert det snart mat å få servert. Leiar for skule og barnehage i Kvam herad, Beate Gauden, opplyste 12. desember til heradsstyret at det er oppretta ei arbeidsgruppe som skal arbeida ved pilotprosjektet etter nyttår. Vona er å få testen gjennomført før påske, utan ekstra ressursar eller ekstra utstyr. Etterpå skal røynslene evaluerast og samanfattast i ei politisk sak. Før sommaren må utstyr kjøpast og tilsette lærast opp dersom det skal innførast tillaging av mat i barnehagane igjen frå og med august.

Pilotprosjektet er resultatet av eit politisk vedtak i haust.