Skuter køyrde i traktor
Ein skuterførar er skadd i eit kne etter ei trafikkulukke i Øystese fredag kveld. Politiet mistenkjer promillekøyring.
Den unge, mannlege føraren er frakta vekk med ambulanse, etter at han køyrde inn i ein traktor bakfrå på Børvenes.Politibetjent Svein Valland Laupsa opplyser at politiet mistenkjer at skuterføraren var påverka av alkohol. Det vert såleis oppretta sak, og førarkortet er kverrsett.Skuteren kom sørfrå i retning mot Øystese då ulukka hende. Det fortel HF-journalist Eirik Dyrøy Lotsberg, som var nær ulukkesstaden då kollisjonen hende. Han seier traktoren kom frå ein sideveg og var i ferd med å køyre ut på hovudvegen då det small.Både politiet, ambulansetenesta og brann- og redningstenesta rykte ut til ulukka.
