Skred på veg i Jondal

Eit steinskred gjekk på Jonsteinvegen i Jondal fredag.

Vegen er stengd og sterkt skadd, opplyser ordførar Roald Aga Haug i ei pressemelding fredag. Vegen fører til hytter og stølar. Kommunen har ikkje fått informasjon om at nokon er på «feil» side av raset.

Også plastringa i Krossdalselva i Jondal har fått skadar og må utbetrast.

Etter eit møte i kriseleiinga i ettermiddag er det klart at det berre har vore mindre hendingar med avgrensa skadar i kommunen.

– Me vil observera situasjone vidare utover kvelden, men har godt håp om at flaumen vil stagnera, skriv Haug.