Rovdyra tek nesten like mykje elg som menneska
Forskarar har for første gong kartlagt kor mange elg som blir teken av ulv og bjørn kvart år.
Med jaktstatistikk, GPS-sporing av radiomerka rovdyr, feltobservasjonar og samanstilling av tidlegare studiar, har forskarar ved Universitetet i Innlandet og Sveriges landbruksuniversitet publisert ein studie som har sett på kor stor del av elgstamma som blir bytte for rovdyr og kor mykje som blir tatt i jakt.
Det skriv Universitetet i Innlandet i ei pressemelding.
Annonse
Forskarane undersøkte 20 ulverevir med varierande tettleik av ulv og bjørn, i sentrale delar av Sverige og austlege delar av gamle Hedmark fylke.
Studien viser at ulv og bjørn i gjennomsnitt tok nær 11 prosent av elgane i dei undersøkte rovdyrområda som er undersøkt.
Ulven stod for 8,6 prosent og bjørnen for 2,3 prosent.
Forskarane har estimert at gjennomsnittleg uttak i menneskeleg jakt var 17,5 prosent.
Annonse
– Desse tala er viktige for dei som driv forvalting av jakt. Kvotar og mål for elgbestand må tilpassast for å sikre ei berekraftig forvalting av skogsressursane, seier Barbara Zimmermann, ein av forskarane bak studien.
(©NPK)
