Regjeringa vil påleggje skular å dele valdshistorikk
Regjeringa foreslår å endre lova, slik at skular skal dele meir informasjon om elevar ved skulebyte. No blir lovforslaget sendt til Stortinget.
– Viss ein elev har vore valdeleg, eller det er igangverande konfliktar mellom ulike grupper, er det viktig at skulane deler informasjon med kvarandre når eleven byter skule. Eg meiner det bør vere ei plikt, slik at skulane som har behov for informasjon faktisk får han, seier kunnskapsminister Kari Nessa Nordtun (Ap) i ei pressemelding.
Det skal mellom anna gjere det lettare for skulane å ta imot elevar med valdshistorikk, og vareta medelevar og tilsette.
Annonse
Etter regelverket er det få opplysningar som kan delast utan at eleven eller foreldra samtykkjer, som kan føre til at skular ikkje er godt nok førebudde.
– Lovendringa vil bidra til at skulane kan ta imot elevar på ein god måte, setje inn førebyggjande tiltak, sørgje for god klassesamansetning og avgjere kva klassar som skal få ekstra ressursar, seier Nordtun .
Det siste åra har det vore ein stor auke i alvorlege barne- og ungdomskriminalitet, særleg blant dei under 15 år. Dei siste ti åra har vald eller truslar mot tilsette i skular auka.
(©NPK)
