Punkterte to bildekk
Natt til torsdag vart dekka på ein bil parkert i Norheimsund punkterte, fortel politibetjent Svein Valland Laupsa i Kvam, Fusa og Tysnes lensmannsdistrikt. Politiet har også fått melding frå folk som har sett to personar luska rundt i bygda den same natta. Mellom anna hadde dei to teke seg inn i oppgangen til ei bustadblokk. Politiet mistenkjer at dei same personane står bak punkteringane, og ber alle som har sett noko av interesse, om å melda frå.
