Porsmyrvegen stengd

Fylkesveg 5122 Porsmyrvegen vart torsdag stengd på grunn av fare for isras mellom Nylebø og Fyksesund bru. Vegen er venta stengd til måndag 2. mars, opplyser Vegtrafikksentralen vest.

Det er sendt ut raudt farevarsel for snøskred i Voss og Hardanger. I ei pressemelding opplyser Hordaland Røde Kors at over 700 godkjende frivillige i 29 lokallag er klare til innsats.

Leiar for skredgruppa, Fredrik Fossedal, oppmodar folk om å ha med ekstra tøy og tryggleiksutstyr til å ta vare på alle som er med på tur. På toppturar bør sendar og mottakar, søkjestong og spade vera med.

I helga var skredgruppa i lag med Norsk luftambulanse og Hordaland alpine redningsgruppe ei fagsamling på Kvamskogen for 20–25 frivillige. Også tilsette i Bergen brannvesen og innsatsleiarar i politiet deltok.