«Poolparty» i Hardangerbadet
Onsdag kveld arrangerte Ung fritid gratis «poolparty» på Hardangerbadet.
Kvar haust-, vinter- og sommarferie arrangerer Ung fritid aktivitetar for ungdomane i Kvam. «Poolparty» i Hardangerbadet er eitt av desse tilboda.
Siriann Lillevik i Ung fritid seier at Hardangerbadet har kome opp fleire gongar når ho har spurt ungdomane i Kvam om kva dei vil ha som tilbod i feriane. Hardangerbadet var positiv til ideen, og vart med på å arrangera «poolparty» for ungdomar over 12 år.
Artikkelen held fram under annonsen.
Over 70 var påmelde til arrangementet onsdag kveld. Ungdomane kunne delta i forskjellige konkurransar, få gratis vaflar og slush, høyra på musikk, møta vener og leika med badeleiker.
Ingeborg Dolve, Anna Norheim og Hanna C. Eriksen sa at dei kjenner seg meir inkluderte på bading berre for ungdomar enn når det er bading for familiar og vaksne. Dette var noko som gjekk igjen også hjå andre ungdomar.