Rundkøyringa i Øystese er forma slik at somme klarar å passera gjennom henne i minst 80–90 kilometer i timen, meiner Torstein Fosso.
Sigbjørn Linga
Ottast trafikkulukker utan tiltak
– Øystese sentrum har i alle år vore ein leikeplass for dei med bil og motorsykkel som har behov for burning og uvøren fartsleik. Denne aktiviteten pågår både seint og tidleg, og spesielt nattestid kan dette irritera mange i bygda, som prøver å sove og skal tidleg på jobb.
Den klare meldinga gjev Fosso i eit brev til fylkeskommunen, som eig fylkesveg 79, og til Kvam herad. Han viser til at det seinast laurdag 9. mars var leven i rundkøyringa i Øystese.
– Underteikna har vore vitne til dette mange gonger, og har varsla politiet fleire gonger utan at det har hjelpt nemneverdig, skriv Fosso.