Open brannstasjon ryk i uvêret

Ullensvang brann og redning avlyser arrangementet «Open brannstasjon» i Odda, Lofthus, Jondal og Røldal laurdag 19. september.

Bakgrunnen er varsel om jord- og flaumskredfare på oransje nivå for store delar av Vestland. Det er sendt ut gult varsel for flaum og regn.

Brann- og redningssjef Sigbjørn S. Kleppe opplyser at omsynet til tryggleiken for publikum og trongen for full beredskap under uvêret gjer at arrangementet ikkje kan gjennomførast som planlagt.

Kommunen vil vurdera om arrangementet kan setjast opp på ein ny dato seinare i haust.

Statsforvaltaren i Vestland har bede kommunane rapportera om situasjonar og tiltak som måtte oppstå i samband med uvêret.