Omikron er påvist i Ullensvang

Den svært smittsame virusvarianten er avdekt, melder kommunen onsdag kveld.

Det er i samband med eit tidlegare smittetilfelle ein har fått påvist varianten, som er importert til kommunen av vedkomande.

Smittevegen er kjend, men kommunen meiner det er grunn til å tru at det er fleire omikrontilfelle i kommunen. Bakgrunnen for mistanken er «eigne vurderingar av smittegangen» kring det stadfesta tilfellet.

Onsdag har kommunen fått melding om eitt nytt covid-19-tilfelle, ifylgje dagens pressemelding frå ordførar Roald Aga Haug.