Nye torvuttak blir forbodne frå nyttår – skal verne trua myrar
Frå 1. januar blir det forbode å ta ut torv frå nye myrområde. Målet er å hindre utslepp av klimagassar og verne viktige leveområde for plantar og dyr.
Det vart vedteke på Stortinget måndag.
– Ved å forby nye uttak av torv tek me vare på myrane våre. Det gjer at me kan unngå store, nye klimagassutslepp i Noreg, samtidig som me vernar viktige område der dyr og plantar lever, seier klima- og miljøminister Andreas Bjelland Eriksen (Ap) i ei pressemelding.
Annonse
Torv er ein jordtype som finst i myrar og blir i dag først og fremst brukt i plantejord. Særleg høgmyrane, som er ein trua naturtype, er utsett.
Det vil framleis vere lov å drive eksisterande torvuttak. Det vil også vere eit unntak for å ta ut mindre mengder torv til restaurering av bygg.
– Overgangen til torvfrie produkt er viktig. Det finst allereie mange gode alternativ. Samtidig vil me støtte arbeidet med å få fram fleire torvfrie jordprodukt, seier Bjelland Eriksen.
(©NPK)
