Ny fylkesdirektør i Vestland fylkeskommune

Det skriv Vestland fylkeskommune i ei pressemelding.

– Eg er særs glad for at Robert Rastad har takka ja til å bli den nye fylkesdirektøren i Vestland, og ønskjer velkommen til samarbeid, seier fylkesordførar Jon Askeland, som har leidd tilsetjingsprosessen-

Tilsetjinga skjedde i eit ekstramøte i fylkestinget fredag 14. november.

Rastad er 56 år og bur i Bergen. Han har 18 år bak seg i Bergen kommune, som kommunaldirektør for avdelinga til byrådsleiaren og som informasjonsdirektør. Han har òg vore universitetsdirektør ved Universitetet i Bergen og stasjonssjef ved Bergen lufthamn Flesland. Han kjem no frå stillinga som direktør i PwC.

– Eg kjenner Vestland fylkeskommune godt gjennom tidlegare samarbeid og er svært motivert til å leie organisasjonen. Å leie ein kunnskapsorganisasjon er eit stort ansvar og privilegium, og eg ser fram til samarbeidet, seier Rastad.