Nordmenn ferierer annleis i Noreg enn utanlandske turistar
Nordmenn ferierer ikkje på same måte som utanlandske turistar i Noreg, har reiselivsnæringa registrert.
– Den største forskjellen er at nordmenn ikkje planlegg. Når dei planlegg, er det med yr.no, seier Liv Jorunn Tjelmeland, reiselivsdirektør i Reisemål Ryfylke i Rogaland, til NRK.
Ein annan skilnad reiselivet har merka, er at nordmenn er meir opptatt av å vere fri, og ikkje melder seg på like mykje organisert aktivitet eller guida turar. Organisert aktivitet blir gjerne bestilt kort tid før.
Artikkelen held fram under annonsen.
Øystein Jensen ved Norsk hotellhøgskole i Stavanger stadfestar og til NRK at nordmenn ønsker å vere meir sjølvstendige, og oppmodar reiselivsnæringa til informere dei norske turistane om kva alternativ som finst, og å la dei velje.