Mykje ulovleg fiske

Politiet i Kvam og Samnanger har fått klage frå Norheimsund og Steinsdalen grunneigarlag på mykje ulovleg fiske i Straumen og Movatnet i helga. Kring 15 personar som stod og fiska, vart observerte i området, og ein god del av dei stod heilt inne i Movatnet, ifølgje politioverbetjent Andor Helgheim.

Han seier det ikkje er lov å fiska desse stadene sjølv om det er rømt oppdrettslaks i Hardangerfjorden.

– Dersom me observerer fiske i Straumen og Movatnet, vil me slå ned på det, seier Helgheim.

Han fortel at det kan vera snakk om bot og at fiskeutstyr kan verta inndrege.

Helgheim håpar fastbuande og dei som driv med turisme, informerer tilreisande om at det ikkje er lovleg å fiska i området.