Melde om ulovleg bruk av fyrverkeri
Torsdag brukte fire ungdommar fyrverkeri ved ein busstopp i Strandebarm.
Det fortel politioverbetjent Anne-Siri Tysseland ved Kvam politistasjon. Fyrverkeriet vart skote opp like etter skuletid medan fleire born venta på bussen. Ingen vart skadd. Politiet rykte ikkje ut til hendinga, og kjem heller ikkje til å oppretta sak.
– Dei som brukte fyrverkeriet, er elevar ved Strandebarm skule. Skulen tek sjølv hand om dette, seier Tysseland.
