Lag samarbeider med liv og lyst

Øystese næringslag ynskjer å halda fram prosjektet Livoglyst. Laget har som koordinator søkt fylkeskommunen om stønad på 300.000 kroner til eit treårig prosjekt i samarbeid med Øystese grendeutval. Vona er å få 90.000 kroner frå Kvam herad i tillegg.

Forprosjektet er i ferd med å vert fullført, og dei to laga har samarbeidd så godt at dei meiner det er grunnlag for tre år til i same sporet. Dei to har inngått ein forpliktande avtale.

Det er danna tre arbeidsgrupper – ei parkgruppe, ei turgruppe og ei miljøgruppe – som skal arbeida vidare med nokre av framlegga om ymse tiltak, pluss ei prosjektgruppe der også Kvam herad er representert.