Kyrkja vil senka terskelen for dåp

Talet på folk som vel å døypa barna sine, går ned. No prøver Den norske kyrkja å senka terskelen med drop-in-dåp og sosiale medium.

Kyrkja har no starta med «drop-in-dåp» fleire stader for å gjera seremonien og valet om dåp enklare. Då tek foreldra ein kort prat med presten før ein enkel seremoni. Kyrkja brukar òg sosiale medium til å «framsnakka» dåpen. Dette er tiltak som vert gjorde fordi tala på døypte går ned, skriv NRK.

Om lag 8.000 færre vart døypte i 2018 enn i 2013, og nedgangen held fram. Nedgangen er størst i byane. Kyrkja prøver å gjera terskelen lågare for å velja kyrkjedåp.

– Me er vane med at folk kom av seg sjølve til dåp. Slik har det jo vore tidlegare. Slik er det ikkje no lenger, og det er ein situasjon me må ta som ei utfordring, seier biskop i Bjørgvin, Halvor Nordhaug til NRK.

Han fortel at det ofte er når livet vert krevjande at folk søker mot Gud, og at kyrkja vil prøve å nå folk også på dei gode dagane. Han trur press om å halda flotte dåpsselskap er ein av grunnane til at folk vel bort å døypa barna. Difor kan drop-in-dåp gjera det lettare å ta valet.

NPKredaksjon@hf.no