Ei kvinne som var del av eit turfylgje, fall sundag ettermiddag ned ein skrent ved Osadalseggane.
Området ligg på grensa mellom Kvam og Bjørnafjorden, vest for Strandadalen i Strandebarm.
Annonse
Vest politidistrikt melde om ulukka klokka 16.19. Kvinna vart opplyst å vera vaken, men skadeomfanget var ukjent.
Frivillige vart kalla ut til redningsaksjonen. Luftambulansen kom til området og freista henta kvinna ut, opplyste politiet klokka 16.22. Det lukkast, melde politiet klokka 17.10. Turfylgjet kom seg heim sjølv.
