Køyrde i fjellveggen
Ein bil køyrde i fjellveggen i Hansagjeltunnelen i Tokagjel i føremiddag.
Mannen i bilen skal vera tilsynelatande uskadd, men vert send til kontroll på Haukeland universitetssjukehus, fortel lensmann Terje Sperrevik i Kvam og Samnanger lensmannsdistrikt.
Tunnelen er i skrivande stengd for trafikk. Naudetatane er komne til staden, og det er tinga tauebil for å få vekk bilen som kolliderte.