Kansellerte flyavgangar og kolonnekøyring på Vestlandet på grunn av uvêret
Kraftig vind på Vestlandet fører til kolonnekøyring og at fleire flyavgangar er kansellerte. I Nordsjøen er dagens helikopteravgangar til og frå Bergen kansellerte.
Fleire flyinnkomstar og -avgangar på Flesland i Bergen, er kansellerte, skriv Bergensavisen og Bergens Tidende.
Det same gjeld Stavanger Lufthamn Sola, skriv Stavanger Aftenblad. Der er rundt ti avgangar og innkomstar kansellerte, blant dei utanlandsflygingar som Frankfurt og København.
Annonse
Nordsjøtrafikk kansellert
I Nordsjøen er alle dagens helikopteravgangar til og frå Flesland i Bergen, opplyser Equinor på Heliport.no. Dei viser til vind og høge bølgjer. Dei fleste avgangane mellom Florø og Nordsjøen er også kansellerte.
Resten av helikoptertrafikken mellom Stavanger og Nordsjøen er prega av forseinkingar, skriv NRK. Equinor ber passasjerane møte opp til vanleg tid.
Ei rekke farevarsel
Annonse
Store delar av noregskartet er dekt av ulike farevarsel. Kraftige vindkast prega store delar av landet, men det er altså delar av Hordaland og Rogaland der det blæs som verst.
Meteorologane åtvarar om moglegheit for svært kraftige vindkast på opp til 40 meter per sekund, liten til full storm på kysten og i fjellet.
I ytre delar av Agder er det sendt ut oransje farevarsel om svært mykje snø måndag. Det kan komme opptil 40 centimeter snø enkelte stader.
Kolonnekøyring i fjellet
På riksveg 7 over Hardangervidda er det innført kolonnekøyring for alle køyretøy, opplyser Vegtrafikksentralen på X måndag morgon.
Kolonnekøyringa vart innført ved 6.30-tida måndag morgon og varer truleg til klokka 18 måndag kveld.
Annonse
Det er også kolonnekøyring for alle køyretøy på E134 Haukelifjell, som er venta å vare til klokka 3.12 natt til tysdag.
