Jondal kan få flyktningmottak

Link AS har nemleg søkt kommunen om eit mellombels bruksløyve i to år til «innkvartering av flyktningar». Vona er å starta 20. mai.

Ordføraren kalla tysdag føremiddag gruppeleiarane i kommunestyret inn til eit digitalt informasjonsmøte med Link om saka kvelden etter, 18. februar. Søkjaren ynskjer nemleg å informera partia før dei eventuelt leverer anbod på det rådmannen omtalar som «asylmottak».

Saka er drøfta med både administrasjonen og ordføraren, ifylgje innkallinga. Rådmannen skal delta i møtet og kan svara på spørsmål om saka.

Link driv fleire mottak frå før, mellom anna det nasjonale ankomstsenteret i Råde i Østfold.

Ifylgje eit brev som ordføraren har sendt ut saman med innkallinga, har Utlendingsdirektoratet oppmoda kommunane om å vedta unntak frå krav om søknad om løyve til tidsbestemt bruksendring og plassering av mellombelse bygg som skal nyttast til mottak. Skrivet er vel datert 9. oktober.