Ingen vêrvinnar – alle får litt av alt
Ingen del av landet kan denne veka kalle seg vêrvinnar, men fleire stader får temperaturar på 20-talet.
– Det er ingen vêrvinnar, verken før helga eller til helga. Alle får litt av alt, seier vakthavande meteorolog ved Meteorologisk institutt, Charalampos Sarchosidis til NTB.
Enkelte stader får snuse på 20-talet på gradestokken, men nokon høgsommardag med 25 varmegrader – som fleire har fått dei siste dagane, blir det ikkje denne veka.
– Det blir 20 grader for fleire, men 25 blir det neppe, seier Sarchosidis.
Aust-Finnmark er staden
Dersom ein leitar etter sola, er det Vestland, Trøndelag og Nordland som får det finaste vêret fram mot helga.
Temperaturane vil variere noko, men Vestland og Trøndelag får noko som minner om sommar, med opp mot 18–20 grader.
– I Nordland blir det også fint vêr, men ein del kjøligare, seier Sarchosidis som fortel om temperaturar ned mot 11 grader.
Artikkelen held fram under annonsen.
Lenger nord kryp gradestokken endå lenger ned. I Tromsø vil blir det ned mot åtte grader med varierande vêr – i sterk kontrast med korleis det var i Tromsø førre veke.
– Skal ein opphalde seg i Nord-Noreg, er det Aust-Finnmark som er staden. Der blir det opp mot 15 grader og sol. Det er litt annan vêrtype i Aust-Finnmark, seier meteorologen.
Vedvarande regn
Fram mot helga får Sør-Noreg ustabilt vêr og varierande skydekke. Når helga kjem, er det eit lågtrykk som vil prege landsdelen.
– Vestlandet får vedvarande regn, medan det blir betre austanfjells, seier meteorologen.
– Austlandet og austanfjells er litt meir skjerma, men ikkje heilt. Her kjem dei typiske ettermiddagsbyene, seier Sarchosidis, som føyer til at torevêr kan følgje med.
Varmast blir det på Austlandet, med over 20 grader laurdag, medan Trøndelag, Møre og Romsdal og Vestlandet får mellom 10 og 15 grader, kanskje opp mot 17–18 grader innover i landet.
Artikkelen held fram under annonsen.
Varmt og vått i nord
Også i Nord-Noreg vil det bli varierande vêr i helga. Sarchosidis fortel at det blir både varmt og vått laurdag og søndag.
Laurdag kan det blir opp mot 20 grader enkelte stader, som på Finnmarksvidda eller i Indre Troms.
– Søndag kan blir det litt lågare temperaturar i Nordland og Troms på grunn av lågtrykk. Vi kjem nok ned mot så 13–14 grader i Nordland og Troms, medan Aust-Finnmark og Finnmarksvidda kan få rundt 18 grader søndag.
Meteorologen avsluttar med å fortelje at det i Bodø blir det opp mot 17 grader laurdag, medan dei søndag vil noko lågare temperaturar igjen.
(©NPK)
