– Ingen park ved fonna
Intens snøsmelting gjorde arbeidet med å opna den nye skiparken ved Folgefonna fånyttes.
Publisert
Sist oppdatert
Tysdag ettermiddag kom meldinga frå initiativtakar Svein Olav Espeland på Facebook:
Det vert ingenting av den planlagde opninga torsdag 28. mai. Årsaka er ei vanvitig snøsmelting dei siste dagane, melder Espeland.
Annonse
Opninga var allereie utsett frå den opphavleg førespegla opningsdagen, laurdag 23. mai, på grunn av kraftig regnvêr. Same dag vart sentrumsmessa i Jondal utsett til 13. juni av same grunn.
HF har omtala skiparkplanane ved fleire høve i vår, seinast etter at kommunen gav dispensasjon for tiltaket. Planen var å nytta eit skiband til å transportera brukarane opp i anlegget, som skulle liggja ved sida av vegen til Folgefonna.
